இடத்திற்கு ஏற்ற வேடம்

(தொடர்....8)

1939ம் ஆண்டுவரை பாடப்பட்டுவந்த இந்த வழிபாட்டு பாடல்களின் சுயரூபத்தைக் காட்டிக் கொடுத்து விட்ட காரணத்தால் பின்னர் அதை மாற்றி அமைத்துக் கொண்டார்கள் இந்த ஏமாற்றுக்காரர்கள்!

இடத்திற்கு ஏற்ற வேடம் ஊருக்கேற்ற கோலங்கள் காட்டுவதில் இவர்கள் மகாப் பெரிய சமர்த்தர்கள் அல்லவா!

1939ஆம் ஆண்டு வரை ஆரிய நாட்டை வணங்குகிறோம் என்று இந்தியிலும், மராத்தியிலும், பிரார்த்தனை செய்து வந்த இந்தக் கூட்டத்தினர் பிறகு இதை பார்ப்பனர்களின் "தெய்வீக மொழியான' சமஸ்கிருதத்தில் மாற்றி அமைத்துக் கொண்டார்கள்! தங்களின் சுயரூபத்தை உலகுக்கு அடையாளம் காட்டிய அந்தப் பாடல் வரிகளை மாற்றிக் கொண்டு விட்டனர்.

ஆர்.எஸ்.எஸ்.சட்டதிட்டங்கள் அவர்களின் சமஸ்கிருத வெறித்தனத்தைப் பட்டாங்கமாகப் படம்பிடித்துக் காட்டிவிடுகிறது!

அவர்களின் சட்டதிட்டங்களில் 8-வது பிரிவில் ஆர்.எஸ்.எஸ்.அமைப்பில் உள்ள பிரிவுகள் என்ன என்பது எடுத்துக் காட்டப்பட்டிருக்கிறது! அத்தனையும் சமஸ்கிருதப் பெயர்கள்: இந்தியா முழுமைக்கும் அது எந்த மொழி பேசும் மாநிலமாக இருந்தாலும் அந்த அமைப்புகள் இந்த சமஸ்கிருத மொழியிலேதான் அழைக்கப்பட வேண்டும்.

ஆர்.எஸ்.எஸ். சட்ட திட்டங்களின் 8-வது விதியில் கூறப்பட்டிருக்கும் பிரிவுகளின் பெயர்கள் என்ன?

"பிராண்ட்' - மண்டலம்
"விபாக்" - மண்டலத்தில் ஒரு பகுதி
"பிராந்திய கேந்திரா" - மண்டலத் தலைமையகம்
"ஸில்லா" -மாவட்ட அமைப்பு
"ஷாகர்" - நகர அமைப்பு
"மண்டல்" - கிராம அமைப்பு

சட்டத்தின் 11வது பிரிவு ஆர்.எஸ்.எஸ்.அமைப்பின் உயர் அதிகாரக்குழு உறுப்பினர்கள், உயர் அமைப்புகள் பற்றி எடுத்துக் சொல்கிறது.

தலைவர்கள், பல்வேறு உயர் மட்டப் பிரிவுகளின் பெயர் பட்டியலை இதோ பாருங்கள்!

1. "சர் சங் சலாக்" (இவர்தான் அமைப்பின் தலைவர்)
2. "சர் கார்ய வஹா"
3. கேந்திரிய கார்ய காரி மண்டல்
4. அகில பாரதீய பிரதிநிதி சபா
5. பிராந்த், விபாக், ஸில்லா மற்றும் சங்சலக்குகள்
6. பிரச்சாரக்
7. பிராந்திய பிரதிநிதி சபா
ஆர்.எஸ்.எஸ்.ஸை துவக்கிய ஹெட்கேவருக்குப் பெயர்" அத்ய சர்சங்சலக். (ஆதாரம் விதி12)

14வது வீதியில் "கேந்திர கார்யகாரி மண்டல்" என்ற அமைப்பில் யார் யார் அங்கம் வகிப்பார்கள் என்று விவரிக்கப்பட்டிருக்கிறது.

அவைகள் இதோ:
1. சர் கார்ய வஹா
2. ஷா சர் கார்ய வஹா
3. அஹில் பாரதீய ஷிரிக் ஷிக்கான் பிராமுக்
4. அஹில் பாரதீய பவுதீய பவுதிக் ஷிக்கான் பிராமுக்
5. அஹல் பாரதீய பிரச்சார் பிராமுக்

உறுப்பினர்களுக்கு தரப்படும் பயிற்சிவகுப்புக்குப் பெயர் "அதிகாரி ஷிக்ஷன்வர்கா" இவர்கள் - நடத்தும் நிகழிச்சிகளுக்குப் பெயர் "வியாஸ் பூர்ணிமா" பொருளாளருக்குப் பெயர் நிதி பிரமுக் - தினசரி நடத்தும் பயிற்சிக்குப் பெயர் "ஷாக," சமஸ்கார்."

வாத்ய இசையை அமைத்துக் கொண்டு முன்னே போவதற்குப் பெயர் "கோஷ்"

அணிவகுப்பு ஊர்வலத்துக்குப் பெயர் "பாதஞ்சலன்"(சில ஆண்டுகட்கு முன்பு தமிழ் வருடப்பிறப்பு அன்று திருவல்லிக்கேணியில் ஆர்.எஸ்.எஸ்.காரர்கள் இந்த "பாரஞ்சலன்" நடத்த முயன்ற போதுதான் கைது செய்யப்பட்டனர்.)

பிறப்பிக்கின்ற கட்டளைக்குப் பெயர் "ஏக" "சப்பத" முதல் நகராக வருகின்றவர்களை அழைக்கின்ற பெயர் "அக்ரே சரோராக."

குழந்தைகள் மாநாட்டுக்குப் பெயர் "சிசு சங்கம்."

ஏன் இந்த அமைப்புக்கே பெயர் "ராஷ்டிரிய சுயம் சேவக் சங்க்."

தலையை சுற்றுகிறதா தோழர்களே! இந்தக் கூச்சல் தமிழகத்தில் கேட்கலாமா?